Kadyot lang kay nalibog ko…

Standard

If you were able to read the title without malice, then you will be able to read through the following:

Usahay, mahibulong ko ngano mas dali mosulat o mostorya kung English ang gamiton kaysa Bisaya. Kung buot hunahunaon, dapat mas dali para sa mga Bisaya ang magbisaya pero sa tinuod lang murag dili ingon ana ang nahitabo.

Ako ning na hunahunaan kay naulaw ko ug gamay nga sige ko ug ingon nga Bisaya ko pero gikalimtan na nako ang sakto nga pagbisaya. Nakaamgo ko gamay nga kada mostorya ko, lisod kaayo ang lunlon Bisaya – sige gyud ug masagulan ug English ang akong Bisaya.

Busa, ayha nako malimtan ang tanan dapat makahinumdum ko sa akong gigikanan. Bisaya kong dako mao dapat dili nako makalimtan ang pinakaimportante nga parte sa pagkabisaya – ang magbisaya! 😀

Usahay makapungot kay mas ganahan na ta mag-English. Murag kung pwede pa gani nga dili ta moangkon nga Bisaya ta, buhaton siguro nato. Maulaw ta nga tawgon ug Bisaya pero mas makaulaw man siguro kung Bisdak gyud ka unya dili pa gyud ka moangkon bisan klaro kaayo ang pahak sa imong lolo.

Sa mga wala kasabot, pasensyahi nalang ko ninyo. Sa tanto natong pagsabot-sabot magkasinabot ra lagi ta. Sa mga nakasabot, Bisaya gyud mo! Hehe. Kung motuo mo o sa dili sa akong gipangyawyaw tuo nalang para madali.

Nabantayan ba ninyo nga naay mga pulong nga wa na ta kabalo unsa sa Bisaya. Pananglitan, ang pulong nga “Greetings” – diba naanad ta nga moingon “i-greet nato siya!” o “ni-greet na ka niya?”, pero kabalo ba ta unsay Bisaya sa “greet”. Kung kabalo ka, bilib ko nimo! Kay ako wala na ko kabalo. Hehe.

Unsa may punto ani akong gisulat? Wala. Gusto lang ko magbisaya. Bow! (Unsay Bisaya sa Bow bi?)

Advertisements

2 responses »

  1. hahahahaha!! enjoy kaayo ko mg read ng istorya mo Con! n-remember ko when i first came to cebu and heard that phrase exactly : “Kadyot lang kay nalibog ko” – grabe ang tawa ko – my boss said sobrang red ng face ko!! but now – not anymore – i still cant sulti a decent visayan BUT i can sabot fine – pde n bang kahit half-visayan nlng ko? hahahaha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s